فرخ حبیب کا والد اعلیٰ عدلیہ کے آگے سراپاِ احتجاج

فیصل آباد(پی ٹی آئی اپ ڈیٹس) سابق وزیر و صدر ویسٹ پنجاب میاں فرخ حبیب کی جبری گمشدگی کے بعد ان کے والد کا بڑا وڈیو بیان سامنے آیا ہے ، ان کے والد نے کہا کہ میرے دو بیٹے اور ایک میری بہو کا بھائی بلوچستان سے جبری اغواء کرلئے گئے ، بلوچستان کی نگران حکومت اس بات کا اعتراف کرچکی ہے کہ ان تینوں کو باقاعدہ گرفتار کیا گیا ہے لیکن حکومت ِ بلوچستان نے اب تک ان کو کسی عدالت میں پیش نہیں کیا ، ہمیں بہت زیادہ تشویش لاحق ہے کہ میرے لخت جگر کہاں ہیں میری چیف جسٹس آف پاکستان سے یہ اپیل ہے کہ وہ ان جبری گمشدگیوں کا نوٹس لیں اور پتہ کروائیں کہ وہ کہاں ہیں، اگر انہوں نے کوئی جرم کیا ہے تو وہ سامنے لایا جائے لیکن اس کا مطلب ہرگز یہ نہیں کہ لوگوں کو جبری غائب کر دیا جائے