ہم تیار ہیں، ایڈووکیٹ شیر افضل خان مروت کی اسلام آباد ہائی کورٹ کے باہر گفتگو

لیگل ٹیم کے سینئر رہنما ایڈووکیٹ شیر افضل خان مروت نے میڈیا سے گفتگو کرتے ہوئے کہا کہ ہم پرچوں کے عادی ہوچکے ہیں جتنے مرضی کیس کریں اب پاکستان تحریک انصاف کا ورکر باہر نکلے گا اور قانون کے مقرر کردہ دائرہ کے اندر اپنے کنونشن بھی کرے گا ، اور اگر یہ ظالم حکمران پرچہ کرتے ہیں یا کوئی بھی کاروائی کرتے ہیں تو ہم پشاور ہائی کورٹ میں ان کے خلاف ایف آئی آرز کا اندراج کروائیں گے ،جیسے آج آئی جی اسلام آباد ، ہائی کورٹ میں اپنے خلاف ہونیوالے پرچہ کے خلاف پیش ہوا تھا بالکل اسی طرح ہر اس پولیس والے کے خلاف قانونی کاروائی کریں گے کہ جو کسی کے اشاروں پر غیر قانونی طور پر پارٹی ورکرز کو ہراساں کرتے ہیں ان کا کہنا تھا کہ ہم تیار ہیں