اسدعمر، علیمہ اور عظمیٰ خان کی گرفتاری کی اجازت مانگ لی گئی

لاہور(پی ٹی آئی اپ ڈیٹس،ویب ڈیسک)جلاؤ گھیراؤ کیس: پولیس نے اسدعمر، علیمہ اور عظمیٰ خان کی گرفتاری کی اجازت مانگ لی جناح ہاؤس جلاؤ گھیراؤ کے کیس کی سماعت انسداد دہشتگردی عدالت لاہور میں ہوئی۔ تفتیشی افسر نے عدالت سے گرفتاری کی اجازت مانگتے ہوئے کہا کہ تینوں ملزمان تفتیش میں قصور وار پائے گئے ہیں، مشترکہ تحقیقاتی ٹیم نے تینوں ملزمان کو گنہگار لکھا ہے، پولیس کوتفتیش کے لیے تینوں کی گرفتاری مطلوب ہے۔ تفتیشی افسر کے مطابق علیمہ خان کی موقع پر موجودگی پائی گئی، وہ اور عظمیٰ خان کیس میں نامزد نہیں۔ دوران سماعت وکیل برہان معظم نے نقطہ اعتراض اٹھاتے ہوئے کہا کہ وہ بیان دکھائیں جس پرقصور وار قرار دیا گیا، تفتتیشی افسر نے جواب میں کہا کہ ہم انہیں 161 کے تمام بیان دکھا دیتے ہیں۔ بعدازاں عدالت نے کارروائی کچھ دیر تک کیلئے ملتوی کردی۔