عمران خان سپریم کورٹ کے فیصلے سے مطمئن

اسلام آباد (پی ٹی آئی اپ ڈیٹس) عمران خان کے وکیل بیرسٹر علی ظفر نے کہا ہےکہ چیئرمین پی ٹی آئی نےپریکٹس اینڈ پروسیجر ایکٹ پر عدالتی فیصلے پر اطمینان کا اظہار کیا ہے۔ اڈیالہ جیل میں چیئرمین پی ٹی آئی عمران خان سے ملاقات کے بعد میڈیا سے گفتگو کرتے ہوئے بیرسٹرعلی ظفر نے کہا کہ چیئرمین پی ٹی آئی کی صحت بالکل ٹھیک ہے، انہوں نے پیغام دیا ہےکہ ملک معاشی بحران کاشکارہے اور ملک کو اس وقت مقبول رہنما کی ضرورت ہے، مقبول لیڈر صرف انتخابات کے ذریعے آسکتا ہے۔ علی ظفر نے مزید بتایا کہ چیئرمین پی ٹی آئی سپریم کورٹ کے کل کے فیصلے سے مطمئن ہیں کہ ماضی کے کیس نہیں کھلیں گے اور انہوں نے کہا کہ الیکشن کمیشن نے تو الیکشن نہیں کرائے اب ساری نظریں سپریم کورٹ پر ہیں، انہوں نے کہا اپیل کا حق ہونا چاہیے یہ درست فیصلہ ہے۔بیرسٹر علی ظفر کے مطابق چیئرمین پی ٹی آئی نےکہا کہ 90 دن میں انتخابات سے متعلق پٹیشن کو سماعت کے لیے مقرر کیا جائے، الیکشن وقت پرہوں اور سپریم کورٹ کی سپر ویژن میں ہوں، انہوں نےکہا مقبول لیڈر ہی سرجیکل آپریشن کے ذریعے معیشت ٹھیک کرسکتاہے۔