ملالہ یوسف کو شاید فلسطین پر ظلم نظر نہیں آیا؟

نیویارک(پی اپ ڈیٹس) لبنانی نژاد امریکی ماڈل میا خلیفہ کی طرف سے فلسطین پر اسرائیل کی جارحیت کی مذمت کرنا نوبل انعام یافتہ ملالہ یوسف زئی کو مہنگا پڑ گیا ہے جو اسرائیل کی اس بربریت پر تاحال چپ سادھے ہوئے ہیں۔ ڈیلی پاکستان گلوبل کے مطابق پاکستانی سوشل میڈیا صارفین ملالہ یوسف زئی کو تنقید کا نشانہ بناتے ہوئے اپنی پوسٹس میں پوچھ رہے ہیں کہ ”میا خلیفہ تک نے نہتے فلسطینیوں پر غاصب اسرائیل کے مظالم کی مذمت کر دی، کیا ملالہ نے اسرائیل کی مخالف میں ایک لفظ بھی بولا؟“ رپورٹ کے مطابق میا خلیفہ نے اپنے ایکس (ٹوئٹر) اکاؤنٹ پر متعدد پوسٹس میں اسرائیل کے مظالم کی مذمت اور مظلوم فلسطینیوں کی حمایت کا اعلان کیا ہے۔ایک پوسٹ میں وہ لکھتی ہیں کہ ” فلسطینیوں کی اس حالت کو دیکھ کر جو لوگ ان کی حمایت نہیں کر رہے، تاریخ بتائے گی کہ وہ لوگ غلط سمت میں کھڑے تھے۔“